NOVAS DO CONCELLO

NOVAS O CONCELLO DE SOBER COLABORA COA CELEBRACIÓN ESTE VENRES DA XORNADA MICOLÓXICA PROMOVIDA POLA AGRUPACIÓN PINGADOURO O Concello de Sober colabora coa Asociación Micolóxica Pingadouro na celebración da súa Xornada Micolóxica que se desenvolverá na localidade lucense o venres día 9 de novembro. O programa da xornada, que dirixen Enrique Vera Arconada e Ramón Losada da Asociación Micolóxica de Madrid, inclúe unha charla-coloquio, unha saída ao campo e a identificación e degustación de cogomelos.   Programa Ás 10:00 horas farase unha saída ao campo. Ás 17:00 horas levarase a cabo unha identificación das setas máis frecuentes no Centro Sociocultural e montarase a exposición.   Ás 19:00 horas haberá unha charla-coloquio e ás 20:30 horas levarase a cabo a clausura da xornada cunha degustación de cogomelos.   O Concello de Sober anima a todos os veciños e veciñas a participar nesta Xornada Micolóxica de cara a obter máis información sobre as setas, a súa diferenciación e o seu consumo.