|
|
NOVAS |
O CONCELLO DE SOBER INICIA A XIMNASIA DE MANTEMENTO NAS PARROQUIAS
O Concello de Sober inicia esta semana a ximnasia de mantemento en sete parroquias da localidade, así como na capitalidade. Dende o Concello ofrécese a posibilidade de facer a actividade de ximnasia de mantemento en máis parroquias que o soliciten sempre que exista un grupo dun mínimo de 6 persoas.
Calendario
Os luns haberá ximnasia en Villaoscura ás 16:00 horas; en Anllo ás 17:00 horas, en Rosende ás 18:00 horas e en Canabal ás 19:00 horas.
O martes, mércores e xoves a actividade trasládase a Sober ás 11:00 horas. Os mércores tamén haberá clases pola tarde en Sober, ás 17:30 horas.
En Doade as clases serán os mércores ás 16:00 horas e ás 19:00 horas en Neiras. Os xoves as actividades chegan a Arxemil ás 16:00 horas.
Ximnasio municipal
Ademais a partir do día 17 abre de novo as súas portas o ximnasio municipal. O horario da sala de máquinas será os martes, mércores e xoves de 10:30 a 13:30 horas. E os martes e xoves en horario de tarde, de 17:30 a 20:00 horas.
Tanto o uso das instalacións municipais como a ximnasia de mantemento nas parroquias son de balde para os usuarios. Os interesados e interesadas poden obter máis información dos horarios no centro sociocultural ou no teléfono: 982460513.
Activa corpo e mente
Os martes, a partir do día 23, ás 17:30 horas o ximnasio municipal acollerá a nova actividade ‘Activa corpo e mente’. Trátase dunha actividade de dinamización na que se pretende facilitar a práctica do exercicio físico pero tamén cognitivo, é dicir, poñer en movemento corpo e mente.
Está destinada a adultos de máis de 60 anos cos que se fará: ximnasia suave, Ritmo e baile, Xogos sensoriais de habilidade, ximnásticos, de representacións, de enxeño, competitivos, dinámicas grupais, actividades lúdicas, técnicas de relaxación e actividades para exercitar a memoria, entre outras.
|
|
|
|
|
|