NOVAS DO CONCELLO

NOVAS A ESCOLA MUNICIPAL DE MÚSICA DE SOBER TEN XA ABERTO O PRAZO DE MATRÍCULA A Escola Municipal de Música de Sober dependente do Concello ten xa aberto o seu prazo de matrícula ata o vindeiro 25 de setembro. A presentación do curso farase o sábado día 30 ás doce do mediodía no Centro Sociocultural e as clases darán comezo en outubro.   Todos os interesados en inscribirse poden obter máis información no Centro Sociocultural ou nos números 982460513 e 617551299.   As clases que se ofrecen son moi variadas. Entre elas, daranse ensinanzas de frauta traveseira, clarinete, saxofón, trombón, trompa, tuba, percusión, piano e guitarra. Impártense clases de linguaxe musical e música para adultos, música e movementos e grupos instrumentais. Seguen en marcha de novo o coro infantil e o coro Berea.   Os alumnos e alumnas da Escola Municipal de Música de Sober poderán formar parte da Banda Xuvenil ou da Banda de Música Municipal.    O alcalde de Sober, Luis Fernández Guitián, destaca que o obxectivo principal da Escola Municipal de Musica de Sober é “formar educandos. Os educandos son os futuros músicos que integran a Banda de Musica de Sober, a principal entidade musical da Comarca”, incide.