|
|
NOVAS |
O CONCELLO RECOÑECE MAÑÁ A FIGURA DO EX DIRECTOR DA BANDA DE MÚSICA DE SOBER ANTONIO PÉREZ GARCÍA ‘O REI’ CON MOTIVO DA PRIMEIRA VISITA DO SEU FILLO A GALICIA
O Goberno local do Concello de Sober recibe mañá ás doce no Salón de Plenos a Alejandro Rodríguez González, fillo do ex rexedor e antigo director da Banda de Música de Sober Antonio Pérez García, coñecido como ‘O Rei’. O alcalde, Luis Fernández Guitián, estará acompañado polos voceiros do PSOE e Agroma Sober co propósito de facerlle un recoñecemento a esta destacada figura da localidade aproveitando a primeira visita a España do seu fillo.
Alejandro Rodríguez é un cubano fillo de soberinos de 81 anos que visita por primeira vez a terra de seus pais grazas ao programa Reencontros da Xunta de Galicia.
Seu pai foi director da Banda de Música de Sober e tamén alcalde, antes de marchar a Cuba disfrazado de cura en agosto do ano 36. Unha vez instalado en Cuba a súa muller e os seus dous fillos emigraron con el. En Cuba mudou os seus apelidos polos de Rodríguez Álvarez.
Alí naceu o seu terceiro fillo, Alejandro, que mañá visita Sober, onde pasará uns días antes de volver a Cuba. No acto estará acompañado de varios familiares que seguen residindo en Sober cos que se hospedará nesta primeira visita á terra dos seus pais.
‘O Rei’ chegou a ser un recoñecido musico e compositor. O Concello fai con esta recepción un humilde acto de homenaxe e recoñecemento.
|
|
|
|
|
|