NOVAS DO CONCELLO
 
NOVAS
O CONCELLO DE SOBER TRASLADA O PESAR POLO FALECEMENTO DO EMPRESARIO LINO FERNÁNDEZ VIDAL



O Goberno local do Concello de Sober traslada o seu máis sentido pesar polo falecemento de Lino Fernández Vidal, coñecido empresario local. O soberino cumpría 93 anos no mes de maio.
 
O alcalde de Sober, Luis Fernández Guitián, en nome dos veciños e veciñas mostra as súas condolencias a este empresario exemplar e pioneiro, que nos anos 60 comezou a adaptarse aos novos mercados, traballando en cadea e asistindo ás máis importantes feiras de maquinaria do mundo (Zaragoza, Tenerife, Mallorca ou varias en Portugal e outros países de Europa).
 
Os seus restos están no Tanatorio Rivas de Sober e o enterro será mañá martes ás 6 da tarde na Igrexa Parroquial de Proendos.
 
Empresario exemplar
A súa empresa, Factorías Fernández, foi a principal firma de Sober, fundada por seu pai Manuel Fernández en 1915. Lino estivo á fronte da empresa ata os anos 80 anos. Os primeiros traballos foron en cobre e logo en plástico; alambiques, sulfatadoras e cerrallaría. Chegaron a exportar a unha ducia de países.
 
Empresario exemplar, chegou a contar con 40 empregados. As súas marcas La Flor, Lijoya, Follanova ou Sober están na practica totalidade dos fogares galegos que se dediquen á viticultura.
 
Lino foi un dos 6 fundadores da Feira do viño de Amandi en 1981 xunto con Benito Rivas Valdés, Eduardo Álvarez Pérez, Jesús Vaquero Guardo, Arturo Corral Rivas e Luis Fernández Guitián, actual rexedor.

 
 
Historia do Concello
1·Historia
2·Patrimonio
3·Medio Natural
4·Lendas
5·Situación
Concello de Sober
1·Alcaldía
2·Corporación Municipal
3·Normativa Municipal
4·Secretaría
5·Contacto
Servizos do Concello
1·Enlaces
2·Axenda
3·Télefonos
4·Transporte Público
As Nosas Parroquias
 
Oficina de Turismo
1·Rutas
2·Aloxamentos
3·Festas
4·Galería Fotográfica
Novas do Concello
 
O Viño e Adegas
1·O Viño
2·Adegas
CONCELLO DE SOBER · RIBEIRA SACRA · AYUNTAMIENTO DE SOBER
Praza Campo da Feira s/n · 27460 · Sober · Lugo · 982 46 00 01 · 982 46 00 05
prodesin.com