NOVAS DO CONCELLO

NOVAS O CONCELLO DE SOBER COLABORA COA CELEBRACIÓN DAS FESTAS DE LOBIOS O goberno local do Concello de Sober colabora coa celebración das festas na parroquia de Lobios que terán lugar a fin de semana do 12 ao 14 de agosto.   A festividade dará comezo a noite do venres, día 12, cunha gran pancetada de confraternidade con queimada para todos os asistentes.   O sábado día 13 celebrarase unha misa solemne en torno ás 13:00 horas. A sesión vermú posterior e a verbena correrán a cargo da orquestra Bohemia.   O domingo 14 a xornada festiva comezará tamén cunha misa solemne, que será oficiada en torno ás 13:00 horas na igrexa parroquial. A orquestra Maracas Show será a encargada de amenizar a sesión vermú e poñer o punto e final á xornada festiva.   O luns día 15 celebrarase unha misa solemne na igrexa parroquial de Lobios acompañada de procesión e o martes día 16 oficiarase unha ceremonia relixosa na honra a todos os defuntos da parroquia.   O alcalde do Concello de Sober, Luis Fernández Guitián, convida a todos os veciños e veciñas a participar desta festividade, así como a todos os visitantes que se atopen na localidade eses días.