NOVAS DO CONCELLO

NOVAS O CONCELLO DE SOBER COMEZA AS OBRAS DE CONSTRUCIÓN DO SANEAMENTO E DEPURACIÓN EN VILAMAIOR E TELLEIROS O Goberno local do Concello de Sober comezou esta semana as obras de construción do saneamento e depuración de augas residuais en Vilamaior e Telleiros, na parroquia de Refoxo.   As obras contan cun presuposto de 70.000 euros aos que a Deputación de Lugo achega o 95% dos fondos.   A actuación comprende ademais a construción dunha depuradora no lugar de Cucarel.   O Goberno local prevé que os traballos estean finalizados no prazo dun mes. A empresa que realiza os traballos é Excavaciones Javier, con sede na parroquia de Anllo, no Concello de Sober.   O alcalde, o popular Luis Fernández Guitián, explica que o Goberno municipal está a facer unha aposta polo saneamento do rural, o que supón mellorar a calidade de vida de todos os veciños e veciñas, así como un compromiso claro e decido polas melloras medioambientais.   O equipo de Goberno seguirá a procurar fondos doutras administracións cos que proseguir a súa folla de ruta para que este tipo de actuacións cheguen a todas as parroquias do Concello.