NOVAS DO CONCELLO

NOVAS O CONCELLO DE SOBER COLABORA COA CELEBRACIÓN DA FESTA DOS MUÍÑOS DO XÁBREGA  O Goberno local do Concello de Sober colabora coa celebración das festas dos Muíños do Xábrega que terán lugar o fin de semana do 2 e 3 de xullo.   A festividade comezará o sábado, día 2 de xullo, co tradicional xantar campestre no espectacular entorno dos Muíños. Xa pola tarde, a partir das 17:00 horas, os máis pequenos pasarano en grande cun contacontos e poderán participar en diversos xogos infantís. Ás 20:00 horas tocaralle a quenda aos adultos que se divertirán tamén cun contacontos.   A verbena na noite comezará ás 21:30 horas coa actuación de Nacho Dj, seguida da música de Kilimanjaro Dj e un concerto de Doc Magoo´s. A partir da unha da mañá os dous Djs animarán a festa conxuntamente.   Domingo O domingo a xornada comezará tamén co tradicional xantar campestre. Despois desta multitudinaria comida de confraternidade, en torno ás 15:30 horas, Nacho Dj deleitará aos asistentes con outra actuación. A partir das 16:30 horas haberá xogos para todas as idades seguidos dunha animación musical a cargo de Ce Orquestra que porá o fin de festa, en torno ás 20:00 horas, ata o próximo ano.   O alcalde do Concello de Sober, Luis Fernández Guitián, convida a todos os veciños e veciñas a participar desta festividade, así como a todos os visitantes que se atopen na localidade eses días e a coñecer e desfrutar dun entorno incomparable.