|
|
NOVAS |
O CONCELLO DE SOBER LAMENTA O FALECEMENTO DA CENTENARIA AUREA PÉREZ LÓPEZ
O Goberno local do Concello de Sober amosa as súas condolencias pola morte aos cen anos de idade de Aurea Pérez López, natural de Casa Soutelo, de Bulso. O funeral desta veciña de Sober, que vivía co seu único fillo en Monforte, será o luns ás seis da tarde na Igrexa Parroquial de San Antonio, na cidade do Cabe. De seguido, será enterrada no cemiterio parroquial de Bulso.
Aurea Pérez era viúva de guerra do sarxento de infantería José Díaz Fernández, de Casa Maeso, de Gundivós-Vilapedre. O fillo, Severino Díaz Pérez é sacerdote das parroquias de Tor, Fiolleda, Baamorto, Seoane e San Julián de Tor.
O seu cadáver está a ser velado no Tanatorio Raúl, de Monforte.
O alcalde de Sober, Luis Fernández Guitián, traslada no seu nome e no de toda a Corporación e veciños e veciñas o seu máis sentido pésame á famila.
Sober conta hoxe con 9 centenarios, 7 mulleres e 2 homes.
|
|
|
|
|
|