|
|
NOVAS |
O CONCELLO DE SOBER AMOSA AS SÚAS CONDOLENCIAS POLA MORTE DE ALFONSO GONZÁLEZ FERNÁNDEZ
O Goberno local do Concello de Sober amosa as súas condolencias pola morte aos 95 anos de idade de Alfonso González Fernández, cuxo enterro terá lugar esta tarde ás sete no cemiterio de Vilaescura. Os seus restos atópanse no Tanatorio Rivas de Sober.
Alfonso González Fernández foi director da Banda de Música de Sober a finais dos anos 80 e principios dos 90.
González Fernández era coñecido por O Casete. Iniciouse como músico na Banda de Música de Sober que dirixía nos anos 40 O Matela. Foi un destacado trompetista que exerceu como músico militar de primeira categoría. Na súa xubilación volveu a Sober e substituíu á fronte da Banda e da Escola de Música de Sober a Tadeo Guitián e José Ramón López.
Alfonso faleceu en Vigo onde residía coa súa muller. O Goberno local traslada no seu nome e no de toda a Corporación o seu máis sentido pésame.
|
|
|
|
|
|