|
|
NOVAS |
A ESCOLA DE HOSTALERÍA DE ROSENDE OFRECE 16 PRAZAS PARA DOUS CURSOS, UN DELES DE COCIÑA E OUTRO DE AXUDANTE DE SALA
O Goberno local do Concello de Sober colabora coa Escola de Hostalería Belarmino Fernández Iglesias de Rosende na busca de traballadores e traballadoras desempregados interesados en recibir formación sobre operacións básicas de cociña e operacións básicas de restaurante e bar.
En concreto, esta acción formativa promovida pola Dirección Xeral de Formación e Colocación da Xunta conta con 7 prazas libres no curso de cociña e 9 no de axudante de sala. En total ofértanse 30 prazas, 15 por cada unha das accións formativas.
Os interesados e interesadas en anotarse ao curso de cociña deben asistir á Escola de Hostalería de Rosende o martes 29 de xuño en horario de 09:00 a 14:00 horas. O seguinte martes será a quenda dos interesados no curso de axudante de sala. O persoal da Escola será o encargado do proceso de selección.
3 meses de formación
A primeira das actividades formativas, de operacións básicas de cociña, dará comezo o un de xullo e rematará o 10 de outubro en horario de 09:00 a 14:00 horas. A segunda, de operacións básicas de restaurante e bar, iniciarase o 13 de xullo e finalizará o 4 de outubro en horario de 09:00 a 14:00 horas.
Para poder acceder a estas accións formativas é preciso ter o certificado de escolaridade. Non se precisa nivel profesional ou técnico nin experiencia profesional.
O alcalde de Sober, Luis Fernández Guitián, anima aos desempregados e desempregadas a participar nestas actividades que poden servir de ponte para atopar un posto de traballo no mercado laboral.
Para máis información. Rebeca 982460469/484.
|
|
|
|
|
|