|
|
NOVAS |
O CONCELLO DE SOBER COLABORA COA OBRA SOCIAL ‘LA CAIXA’ NUNHA GRAN RECOLLIDA DE LEITE A FAVOR DE BANCOS DE ALIMENTOS
O Goberno local do Concello de Sober colabora coa Obra Social ‘La Caixa’ na gran recollida de leite para a campaña ‘Ningún neno sen bigote’ a favor de Bancos de Alimentos. Así o acordaron o rexedor, Luis Fernández Guitián, e o director da Oficina de Monforte, Javier Rodríguez Mosquera.
Para colaborar con esta campaña de axuda á infancia pódese levar un cartón de leite, ou os que se queira, ao punto de recollida situado no Centro Sociocultural de Sober.
Os organizadores da campaña alertan que máis de 350.000 nenos e nenas do noso país non teñen acceso a un alimento tan básico como o leite. O que se pretende con esta iniciativa solidaria é, tal como explican, conseguir “que ningún neno quede sen bigote”.
A campaña estará activa ata o día 22 de maio, data na que se recollerán os cartóns entregados.
O rexedor convida a todos os veciños e veciñas a participar nesta iniciativa “que axudará a que aos nenos e nenas máis desfavorecidos poidan contar con este alimento básico na súa alimentación”.
|
|
|
|
|
|