|
|
NOVAS |
O CONCELLO DE SOBER COMEZA O 19 DE MAIO A CAMPAÑA DE VACINACIÓN CANINA
O Goberno local do Concello de Sober inicia o día 19 de maio a campaña anual de vacinación da rabia, identificación e desparasitación canina. A campaña é voluntaria, pero recórdaselle aos propietarios de cans que, segundo o Decreto 90/2002, dende o ano 2002 é obrigatorio ter os animais identificados con microchip sen excepcións de ningún tipo.
Igualmente, dende o ano 2008, pola publicación do Decreto 94/2008, establécese o pasaporte ou cartilla sanitaria para os cans en Galicia. Este pasaporte está vinculado exclusivamente aos cans identificados legalmente con microchip.
A vacinación farase casa por casa, xa que está prohibida a concentración de cans. Os interesados deberán chamar ó número do veterinario: 689 10 35 94 o día que se efectúe a vacinación na súa parroquia, sempre en horario de mañá.
Aqueles que xa estean vacinando os seus cans co veterinario do recorrido – e polo tanto estean incluídos no rexistro informático deste-, non necesitan chamar, xa que os seus cans xa son visitados regularmente noutras épocas do ano.
Os prezos son:
-Vacina Rabia+tratamento antiparasitario antihidatídico: 15€
-Implantación Microchip + Pasaporte oficial asociado(‘cartilla’): 33€
-Outras Vacinas ou Trámites: Preguntar ao veterinario.
O calendario da campaña será:
-Xoves 19 de Maio: CANABAL, VILAESCURA
-Venres 20 de Maio: ROSENDE, MILLÁN
-Luns 23 de Maio: REFOXO, SOBER, PROENDOS, LIÑARÁN
-Martes 24 de Maio: ANLLO S. ESTEVO, SAN MARTIÑO DE ANLLO
-Mércores 25 de Maio: FIGUEIROÁ, BOLMENTE, BARANTES
-Xoves 26 de Maio: SANTIORXO, PINOL, LOBIOS
-Luns 30 de Maio: AMANDI, DOADE
-Martes 31 de Maio: BULSO, STA.CRUZ BROSMOS
-Mércores 1 de Xuño: NEIRAS, GUNDIVÓS
|
|
|
|
|
|