NOVAS DO CONCELLO

NOVAS SOBER CELEBRA O SÁBADO DÍA 30 O RECITAL ‘SOBER CANTA’ NO QUE SE PRESENTARÁ AO NOVO GRUPO DE CORO A localidade de Sober acolle o vindeiro sábado día 30 de abril a celebración do recital ‘Sober Canta’, que dará comezo ás 19:30 horas no salón de actos do Centro Sociocultural.   No acto presentarase o novo grupo de coro de adultos do municipio soberino que se formou este ano nas clases de canto dos xoves. Esta nova agrupación naceu baixo o nome de ‘Coro Berea’ e está formada por unha vintena de integrantes. O coro naceu nas clases de canto dos xoves da Escola Municipal de Música.   No acto tamén haberá un concerto de canto no que actuarán todos os grupos vocais que forman parte da Escola Municipal de Música de Sober (EMMS). Os nenos e nenas das clases de música e movemento e o coro infantil da EMMS deleitarán ao público coas súas voces.   O recital será de entrada gratuíta e poderán asistir todos os veciños e veciñas que así o desexen. O alcalde, Luis Fernández Guitián, convida a toda a veciñanza a formar parte do evento.