|
|
NOVAS |
O CONCELLO DE SOBER E CAIXABANK ASINAN UN CONVENIO DE COLABORACIÓN PARA PROMOCIONAR A XXXVI FEIRA DO VIÑO DE AMANDI
O Goberno local do Concello de Sober vén de asinar un convenio de colaboración coa entidade bancaria Caixabank para promocionar a XXXVI Feira do Viño de Amandi, que se vai celebrar na localidade os vindeiros días 19 e 20 de marzo.
En concreto, ambas as partes acordaron colaborar economicamente a través da achega por parte da entidade bancaria de 2.000 euros cos que o Goberno local obterá diverso material co que seguirá a publicitar a feira.
A sinatura estivo presidida polo alcalde de Sober, o popular Luis Fernández Guitián, e o director da oficina de Caixabank de Monforte, Javier Rodríguez Mosquera. O rexedor agradece a colaboración e a sensibilidade deste entidade, o que contribuirá a facer que a feira gañe visitantes ano tras ano.
|
|
|
|
|
|