|
|
NOVAS |
O CONCELLO DE SOBER CELEBRA O DÍA GRANDE DO ENTROIDO O VINDEIRO SÁBADO DÍA 6 DE FEBREIRO
O Goberno local do Concello de Sober celebra o vindeiro sábado día 6 de febreiro o día grande do Entroido. Formarase unha gran comparsa composta por integrantes da Banda de Música de Sober, alumnos e alumnas da Escola Municipal de Música, do PAI e do CEIP Plurilingüe Virxe do Carme. O grupo fará a saída ás cinco da tarde da Praza do Concello e rematará no Pavillón do CEIP Virxe do Carme onde haberá unha merenda para todos os participantes.
A partir das 18:30 horas haberá animación, música, xogos e inchables e un concurso de disfraces para nenos e nenas. Ás 19:30 horas dará comezo o X Baile da Cachucha cunha degustación gratuíta deste produto e viño. Ao mesmo tempo celebrarase o concurso de disfraces para adultos.
Outras actividades de Entroido
O Entroido celebrarase na Biblioteca de Sober o venres 22, o venres 29 e o venres día 5 de febreiro cun obradoiro de compadres e comadres e un obradoiro de pintura. O día 28 terá lugar o xoves de compadres e o 4 de febreiro, o de comadres. O sábado día 5 de febreiro haberá un desfile polas rúas da localidade dos nenos e nenas da gardería e do CEIP Virxe do Carme.
Certame de coplas
O Goberno local convoca, con motivo do Entroido, o II Certame de Coplas de comadres ou compadres. Os interesados en presentarse teñen que elixir unha das modalidades, comadres ou compadres, e levalas á Biblioteca municipal. Ata o mércores 27 de xaneiro no caso dos compadres e o 3 de febreiro no das comadres. A entrega de premios farase o sábado día 6, coincidindo co X Baile da Cachucha.
As coplas deben presentarse en estrofas en verso e o contido debe ter unha boa carga crítica, sobre todo municipal, pero sempre dentro do respecto. Os traballos terán que facer referencia ademais a acontecementos de actualidade.
|
|
|
|
|
|