|
|
NOVAS |
OS NENOS E NENAS DO CEIP PLURILINGÜE VIRXE DO CARME DE SOBER, FINALISTAS DUN CONCURSO DE CONTOS A NIVEL NACIONAL
O Goberno local do Concello de Sober felicita aos nenos e nenas do CEIP Plurilingüe Virxe do Carme que veñen de ser seleccionados como un dos cinco finalistas a nivel nacional do concurso de contos: "Un juguete, una ilusión". O rexedor, Luis Fernández Guitián, agradece o traballo dos alumnos e alumnas de 1º e 2º de primaria e dos seus mestres que “co seu bo facer levan o nome de Sober por todo o territorio nacional”.
Amais do voto do xurado os concursantes precisan dos votos de todos aqueles que queiran apoialos. Por iso, desde o Concello de Sober anímase a todos os veciños e veciñas a entrar na páxina www.unjugueteunailusion.com/concurso-de-cuentos/para trasladar o seu apoio aos nenos e nenas do CEIP Plurilingüe Virxe do Carme.
Para poder emitir o voto hai que despregar o menú Cuentos finalistas primer ciclo e votar polo CEIP Plurilingüe Virxe do Carme. Pódese votar unha vez por dispositivo (tablet, móbil, pc).
Temática do conto
O conto que presentaron os nenos e nenas de Sober leva por título Todos contra el cambio climático. Primeiro tiveron que facer un traballo de investigación nas redes sobre o cambio climático e as súas consecuencias e despois inventaron o conto, redactárono e ilustrárono. O 9 de decembro coñeceranse os gañadores.
http://www.unjugueteunailusion.com/wp-content/uploads/2013/09/Primer-ciclo.-CEIP-Plurilingue-Virxe-do-Carme.pdf
Os organizadores
“Un juguete, una ilusión” é unha campaña solidaria creada no ano 2000 por Radio Nacional de España e a Fundación Crecer Jugando, que nace co obxectivo de enviar xoguetes a países con escasos recursos e a organizacións non gubernamentais que traballan en proxectos de cooperación e de atención á infancia. Está baseada no neno, especialmente aqueles dos países máis desfavorecidos, a quen ninguén ofrece a posibilidade de xogar con xoguetes novos por falta de recursos.
|
|
|
|
|
|