|
|
NOVAS |
O CONCELLO DE SOBER REMATA AS OBRAS DE ACONDICIONAMENTO DA RÚA DA IGREXA DE CANABAL
O Goberno local do Concello de Sober vén de rematar as obras de reforma e acondicionamento da Rúa da Igrexa de Canabal. Para acometer os traballos contou cunha achega de Turismo de Galicia de 10.000 euros.
As obras consistiron na reconstrución dun muro, así como na pavimentación dos accesos a este importante recurso turístico.
O rexedor, Luis Fernández Guitián, pon en valor as tres obras que se veñen de acometer en Canabal. Ademais desta vía, foi reformada a Rúa da Estación e fixéronse obras de adecuación e mellora do parque infantil no que se instalou un novo pavimento. Tamén se fixo un parque mixto, cunha zona biosaudable e unha infantil.
“Seguimos traballando por mellorar a calidade de vida de todos os nosos veciños e veciñas e tamén facilitando que o Concello sexa cada día máis atractivo para todos os que nos visitan”, explica o alcalde.
|
|
|
|
|
|