|
|
NOVAS |
A BANDA DE MÚSICA DE SOBER PROTAGONIZA O VENRES O XVI BAILE Á LUZ DA LÚA
O Goberno local do Concello de Sober programa para este venres o XVI Baile á luz da lúa protagonizado, como cada ano, pola Banda de Música de Sober, quen interpretará pezas bailables dos anos 50 e 60. O evento desenvolveranse o venres a partir das 22:00 horas na Praza do Toural de Sober.
A maiores, e como novidade, esta edición contará cunha exhibición de baile a cargo do mestre Manuel Roldán, quen no mes de xullo impartiu clases para os veciños e veciñas da localidade. Así, na exhibición contará con algún dos seus alumnos e alumnas.
O programa comezará coa exhibición, á que lle seguirá o concerto da Banda de Música de Sober e o concurso de baile aberto para todos e todas os que decidan anotarse. As tres mellores parellas recibirán como premio unha cea nunha restaurante da zona e unha peza de olería de Gundivós.
O alcalde de Sober, Luis Fernández Guitián, anima a todos os veciños e veciñas e aos que se atopen de visita na Ribeira Sacra a participar nesta noite máxica e con fonda tradición na localidade.
|
|
|
|
|
|