NOVAS DO CONCELLO

NOVAS AS PENAS, EN ARXEMIL, CELEBRA ESTA FIN DE SEMANA AS FESTAS NA HONRA A SAN VITORIO O Goberno local do Concello de Sober colabora coas Festas na honra a San Vitorio que esta fin de semana se celebran en As Penas, en Arxemil.   A celebración comeza o día 28 a partir das 20:00 do serán cunha pancetada amenizada polo dúo Nueva Era.   O sábado día 29 a partir das 13:30 horas haberá misa solemne e sesión vermú a cargo da Orquestra D’Tacón. A partir das 20:00 horas comezarán os xogos infantís. De seguido, ás 21:30 horas dará comezo a verbena a cargo de D’Tacón.   Nun dos descansos da orquestra farase o sorteo de premios. En concreto, os asistentes poden conseguir un bono de aloxamento, almorzo e circuíto termal para dúas persoas no Hotel Balneario Augas Santas de Pantón, un xamón ou un queixo.   O domingo día 30 volve haber misa solemne e sesión vermú a cargo do Grupo Candela. Xa pola tarde, a partir das 20:30 horas, retómase a festa a cargo do Grupo Candela.