SEDE ELÉCTRONICA
 
 
NOVAS DO CONCELLO
 
NOVAS
O CONCELLO DE SOBER REAFIRMA CO PRIMEIRO PLENO DO ESTADO O SEU ESPALDARAZO Á RIBEIRA SACRA COMO PATRIMONIO DA HUMANIDADE



A Corporación de Sober volve ser, catro anos despois, a primeira do Estado español en constituírse ás 00:01 horas, como un xesto simbólico para reafirmar o espaldarazo do Concello á Ribeira Sacra na súa candidatura a Patrimonio da Humanidade. O municipio estará gobernado polo PP, partido que acadou 7 dos 11 concelleiros da Corporación.
 
O rexedor, Luis Fernández Guitián, quixo agradecer o apoio de todas as institucións, organismos e particulares, como os nosos viticultores e adegueiros, que “día a día” co seu traballo e o seu tesón lle ensinan ao mundo “que esta terra é única e por iso debe ser distinguida pola Unesco”.
 
Guitián explicou na sesión de investidura que “Sober decide por segundo mandato consecutivo celebrar o pleno máis madrugador de España para que a localidade siga sendo un reclamo “máis alá das nosas fronteiras e sirva como o primeiro paso para que novos visitantes se acheguen á nosa terra”.
 
O alcalde comprometeuse ademais a seguir deseñando accións que contribúan a que Sober siga tendo un sitio destacado no mapa a nivel internacional, ao tempo que recordou algunhas delas, como o concerto de Sôber en Sober, ou a celebración anual da Feira do Viño de Amandi, un evento que sempre conta coa presenza de pregoeiros relevantes “que levan o nome de Sober alí onde van”.
 
Tesouros do Concello
O Concello de Sober conta entre os seus recursos patrimoniais e paisaxísticos cunha mostra importantísima de románico, unha ruta de miradoiros, unha de muíños, así como con numerosos sendeiros que transcorren polo viñedos, piar fundamental da economía da zona. Un espazo único para contemplar a viticultura heroica e os Canóns do Sil. Por iso, o rexedor considera esta acción unha forma de dar a coñecer os tesouros do Concello e da Ribeira Sacra en xeral, o que tamén pode contribuír á súa declaración como Patrimonio da Humanidade e “a que os nosos caldos sigan gañando presenza nos mercados nacional e internacional”.
 
A sesión plenaria pechou cun brinde con Viño de Amandi, un dos atractivos máis destacables do Concello e da zona sur da provincia de Lugo.
 
 
 
 

 
 
Historia do Concello
  Historia
  Patrimonio
  Medio Natural
  Lendas
  Situación
Concello de Sober
  Alcaldía
  Corporación Municipal
  Normativa Municipal
  Secretaría
  Contacto
Servizos do Concello
  Enlaces
  Axenda
  Télefonos
  Transporte Público
Oficina de Turismo
  Rutas
  Aloxamentos
  Festas
  Miradores turísticos Qcalidad
  Galería Fotográfica
Novas do Concello
As Nosas Parroquias
O Viño e Adegas
  O Viño
  Adegas
Nota Legal · Política de Privacidade · Política de Cookies
CONCELLO DE SOBER · RIBEIRA SACRA · AYUNTAMIENTO DE SOBER
Praza Campo da Feira s/n · 27460 · Sober · Lugo · 982 46 00 01 · 982 46 00 05
PO FSE Galicia 2014 -2020
"Invierte en tu Futuro"
Uni?n Europea
Publicado el 18 de Nov. de 2020
Feder Galicia
 
Feder Galicia
 
Moves

prodesin.com