NOVAS DO CONCELLO

NOVAS O DOMINGO 14 DE XUÑO TERÁ LUGAR A VII CARREIRA POPULAR ‘CONCELLO DE SOBER’ O Goberno local celebra o próximo 14 de xuño a VII Carreira Popular Concello de Sober, puntuable para o IV Circuíto Leader de Carreiras Populares 2015. O prazo para anotarse pecharase o mércores día 10 de xuño e a inscrición é totalmente gratuíta a través da web www.championchipnorte.com.   Poderán participar nas distintas probas todos e todas aqueles que o desexen, tanto se son atletas federados ou non federados, como calquera persoa que queira formar parte desde evento deportivo. A clasificación será conxunta para as distintas distancias e recorridos, aínda que cada corredor poderá participar só nunha das probas propostas.   Regulamento Todos os participantes terán asinado un dorsal, que se corresponderá coa categoría e distancia a recorrer, o cal deberá ir colocado no peito e terá que ser visible durante todo o transcurso da proba. Todo corredor que chegue á liña de meta sen o seu dorsal será automaticamente descualificado.   A organización poderá establecer controis durante o transcurso das probas, polos cales terán que pasar os distintos participantes para non ser descualificados.   O control da chegada para a proba de distancia longa de 9.600 metros, cerrarase 50 minutos despois de chegar o 1º clasificado xeral, independentemente en homes e mulleres.   Todos os participantes deberán colocarse na liña de saída 5 minutos antes do comezo da súa proba, sita na Praza do Concello.   Haberá habituallamento líquido durante a proba e o remate da mesma.   A organización facilitará un servizo de duchas a disposición de todos os participantes ao finalizar as distintas probas.   A recollida de dorsais e chips poderase facer dende as 09:00 horas e ata 30 minutos antes do comezo da proba nas instalacións habilitadas na Praza do Concello, onde é a saída.   A inscrición A inscrición, tanto para distancias curtas (de 100 metros e ata 2.500 metros) como para distancia longa (9.600 metros) poderase facer a través da páxina web: www.championchipnorte.com, achegando os seguintes datos obrigatorios: NIF, NOME, APELIDOS, DATA NACEMENTO, SEXO, LOCALIDADE, MÓBIL, CLUB (se o ten).   Non se admitirán inscricións fóra de prazo sen os datos obrigatorios nin tampouco o mesmo día da proba, e a alta non se completará se non se cumpren os pasos fixados na web e se o corredor non aparece nos listados de prescritos publicados na web www.championchipnorte.com.   Premios, trofeos e medallas Distancia  longa (9.600 metros). Haberá  Trofeos  para os 3 primeiros clasificados de cada  categoría, que serán entregados na Praza do Concello una vez finalizadas todas as probas.   Distancias Curtas (100 metros-2.500 metros): Entregaranse Medallas a todos os participantes nestas distancias.   Distancias, categorías e horarios Distancias Curtas 1ª Categoría (nacidos no 2011 e posteriores – 100 m) 10:30 horas 2ª  Categoría (nacidos no 2010 e 2009 – 800 m) 10:35 horas 3ª  Categoría (nacidos no 2008 e 2007 – 800 m) 10:45 horas 4ª Categoría (nacidos no 2006 e 2005 – 1500 m) 10:55 horas 5ª Categoría (nacidos no 2004 e 2003 – 1500 m) 11:05 horas 6ª Categoría (nacidos no 2002 e  1997 – 2500 m) 11:15 horas   Distancias Longas. (Circuíto de 9.600 metros) 11:45 horas. Cronometraxe por chip.   1ª Categoría: nacidos dende 1992 e posteriores 2ª Categoría: nacidos entre os anos 1985 e 1991 3ª Categoría: nacidos entre os anos 1979 e 1984  4ª Categoría: nacidos entre os anos 1973 e 1978  5ª Categoría: nacidos no ano 1962 e 1972 6ª Categoría: nacidos no 1961 e anteriores     En todas as categorías haberá dúas clasificacións, unha de homes e outras de mulleres.