NOVAS DO CONCELLO

NOVAS O CONCELLO DE SOBER FELICITA AO GRUPO ‘THE CARALLOS’ POLA SÚA PRIMEIRA XIRA INTERNACIONAL O Goberno local do Concello de Sober trasládalle os parabéns aos dous integrantes do grupo ‘The Carallos’ que o próximo dez de xuño inician a súa primeira xira internacional cunha serie de concertos en Inglaterra.   O grupo, creado a finais de 2013, está formado polo músico inglés afincado en Hortás, Camden Gary -‘Gary Kupa’-, de 60 anos de idade, e polo soberino Diego Fernández, de 28 anos.   Os dous músicos actuarán en once sitios en once días, entre eles en Oxford ou Londres. É a primeira vez que o músico de Sober viaxa a Inglaterra e a primeira visita para Camden despois de quince anos residindo en Galicia.   O músico inglés é o compositor de todas as pezas que van interpretar na súa xira. Ambos os dous tocan a guitarra acústica. ‘The Carallos’ ten actuado xa en Sober, Monforte, Escairón, Pantón e Ourense, entre outros lugares.   O alcalde de Sober, Luis Fernández Guitián, subliña que esta xira permitirá achegar Sober a Inglaterra, “polo que serán os nosos embaixadores musicais”, indica.