|
|
NOVAS |
O GOBERNO LOCAL PON A DISPOSICIÓN DOS VECIÑOS E VECIÑAS UN AUTOBÚS PARA ACUDIR AO PARTIDO DE ASCENSO DO CD SOBER
O Goberno local do Concello de Sober anuncia que pon a disposición dos veciños e veciñas un autobús gratuíto para que poidan acudir ao partido de ascenso que o CD Sober xoga o domingo contra o Oural.
O alcalde de Sober, Luis Fernández Guitián, afirma que “é unha oportunidade de animar ao CD Sober para axudarlle a conseguir o ascenso de categoría a segunda autonómica”.
O autobús sairá da Praza do Concello de Sober ás 17:00 horas do domingo e volverá unha vez que remate o encontro.
O rexedor anima a todos aos soberinos e soberinas a achegarse a Oural e dar o seu apoio ao equipo do CD Sober “como xa fixeron o pasado domingo contribuíndo a que os locais gañaran o partido por un gol a cero fronte ao Oural”.
Todos e todas os que estean interesados en asistir poden anotarse no Concello de Sober.
|
|
|
|
|
|