NOVAS DO CONCELLO

NOVAS O CARTEL ANUNCIADOR DA XXXV FEIRA DO VIÑO DE AMANDI FAISE CO PRIMEIRO PREMIO DA MOSTRA XANTAR O V Concurso de carteis de Festas Gastronómicas que celebra a mostra Xantar, en Expourense, distinguiu como gañador o traballo de Andrea Rodríguez co que Sober anuncia a XXXV Feira do Viño de Amandi.   O premio foi entregado este mediodía pola conselleira do Medio Rural, Rosa Quintana. Recibiu o galardón, no nome do Concello de Sober e da propia autora, o Consorcio de Turismo Ribeira Sacra.   No concurso participaron arredor de 40 carteis. O alcalde de Sober, Luis Fernández Guitián, agradece de novo o traballo de Andrea Rodríguez e a distinción que hoxe recibe o seu cartel e que novamente “contribuirá a que a Feira do Viño de Amandi siga chegando a máis e máis xente”.