|
|
NOVAS |
O CONCELLO DE SOBER COLABORA COAS FESTAS NA HONRA A SAN BLAS QUE SE CELEBRAN EN SANTIORXO
O Concello de Sober colabora coas Festas na honra a San Blas que esta fin de semana se celebran en Santiorxo, o sábado día 7 e o domingo día 8.
O día sete a partir das 22:00 horas haberá unha pancetada de balde para todos os asistentes e baile amenizado polo Dúo Savia Fresca.
O día 8 ás 12:00 horas haberá misa solemne e procesión na honra a San Blas. A sesión vermú e a festa de tarde-noite estarán amenizadas polo grupo Dúo Bandoneón.
O recinto onde se levará a cabo a festa estará cuberto con carpa.
Curiosidades da festa
Nesta celebración é habitual que familias e grupos numerosos de amigos e amigas se xunten no entorno do miradoiro de Santiorxo ou do campo da festa para facer a proba dos chourizos novos e outros produtos do porco propios da época. Nos actos relixiosos moitos dos devotos pídenlle a San Blas poder recuperarse das súas doenzas, principalmente aquelas relacionadas coa gorxa.
|
|
|
|
|
|