|
|
NOVAS |
O CONCELLO DE SOBER DISPORÁ ATA FINAIS DE FEBREIRO DUN CONSULTOR EN NOVAS TECNOLOXÍAS
O Goberno local do Concello de Sober contará desde esta semana cun consultor en novas tecnoloxías que atenderá de balde todas as dúbidas ou cuestións que se lle trasladen en relación coas novas tecnoloxías da información e da comunicación. Esta colaboración é posible grazas á adhesión do Goberno local ao programa Innovate2 promovido pola Deputación provincial.
O consultor estará en Sober ata o 28 de febreiro e prestará a súa axuda en horario de mañá, de 09:00 a 14:00 horas na Casa do Concello, e en horario de tarde, de 16:00 a 20:00 horas na Casa da Cultura.
Actividades para nenos e nenas
No marco do mesmo programa desenvolveranse diversas actividades gratuítas, como charlas ou cursos formativos.
No mes de decembro levaranse a cabo dous cursos de iniciación á informática e ás novas tecnoloxías para nenos e nenas. O primeiro deles desenvolverase entre os días 22, 23 e 26 e o segundo os días 29, 30 e 2 de xaneiro. O horario para ambos os cursos será de 11:00 a 13:00 horas na aula de informática da Casa da Cultura.
Os interesados poden anotarse na Casa do Concello ou no Centro Sociocultural.
|
|
|
|
|
|