|
|
NOVAS |
O CONCELLO DE SOBER ORGANIZA UN FESTIVAL BENÉFICO DE NADAL PARA O SÁBADO DÍA 20
O Goberno local do Concello de Sober organiza para este sábado día 20 un festival benéfico de Nadal no que pide que os asistentes colaboren coa doazón dun quilo de comida non perecedoira. Todos os alimentos recollidos serán entregados polos servizos sociais do Goberno municipal ás familias da localidade que máis o precisen.
No festival actuarán os alumnos e alumnas do CEIP Virxe do Carme, os do PAI de Sober, a Escola Municipal de Música, a Banda de Música de Sober e Alexandra, cunha actuación vocal e de piano.
O evento desenvolverase ás 18:30 horas no Centro Sociocultural de Sober.
O alcalde, Luis Fernández Guitián, anima a todos os veciños e veciñas a participar neste acto que axudará a pasar mellor estas datas a aqueles que dispoñen de menos recursos. Recorda que é o segundo ano no que se leva a cabo a iniciativa e que o primeiro “foi todo un éxito” que agarda se repita.
|
|
|
|
|
|