NOVAS DO CONCELLO

NOVAS O GOBERNO LOCAL DE SOBER INVESTIRÁ 150.000 EUROS NA REXENERACIÓN DE CAMIÑOS DE TODO O CONCELLO O Goberno local de Sober aprobou a semana pasada os Orzamentos para 2015 nos que os investimentos reais experimentan un aumento moi significativo en relación aos de 2012 (132.000 euros) e 2013 (179.000 euros) ao manterse nas cifras de 2014, cun importe de 388.702 euros. A partida máis relevante son os 150.000 euros para o Plan Marco de Mellora de camiños rurais que contempla a rexeneración de camiños en todo o Concello*.   En concreto, o Goberno local destina 64.000 euros para o acondicionamento da Rúa da Estación en Canabal e as Prazas de Doade e o Campo de Pinol, obras todas elas incluídas nas actuacións previstas polo ARI.   O rexedor, Luis Fernández Guitián, avanza unha achega municipal de 10.000 euros para o obradoiro de emprego compartido con Pantón e O Saviñao. A maiores, 30.000 euros destinaranse a obras de saneamento, 10.000 euros a melloras de alumeados públicos, 25.000 euros a melloras de accesos a viñedos e 16.000 euros para mantemento de camiños municipais.   Ademais, para 2015 o Goberno local contempla a adquisición de terreo e construción dunha área de autocaravanas cunha achega municipal de 24.000 euros. O alcalde explica que as inversións poderán verse incrementadas con posibles axudas doutras administracións.   *Listado de camiños que o Goberno local ten previsto arranxar con cargo ao Plan Marco de Camiños Rurais:   Rexeneración de accesos a Vilabalde (Figueiroá), Rexeneración da estrada de A Carqueixa a Matamá e Ferroños, Aglomerado de accesos a Francos de Doade, Rexeneración de accesos en O Pacio, A Travesa, As Pozas e Santa Leocadia en Amandi. Rexeneración de acceos en As Quintas (Liñarán), Mellora da estrada que conduce de O Cadabal a Mourentán, Rexeneración de accesos a Os Hortos e A Somoza (Santiorxo), Apertura e acondicionamento de camiños entre Veliños e Casa do Monte (Santiorxo), Reparación de Muro de contención e accesos O Castro de Gundivós, Rexeneración da estrada de Os  Guntíns-A Vacariza (Neiras), Rexeneración da estrada de  O Roxo- A Vacariza (Neiras), Rexeneración de accesos en Vilamide de Arriba (Lobios), Rexeneración de accesos a Liñares (Figueiroá), Rexeneración do camiño de O Soutelo a Os Ferreiros (Proendos), Rexeneración de accesos e  rúas de Telleiros, Aglomerado do camiño de A Mamuela-Igrexa de Doade Aglomerado dos accesos en O Rivas (Arroxo), Apertura e pavimentación de camiño de San Martiño a Pena da Osa e Rexeneración de Camiño de Froxán a Mer.