|
|
NOVAS |
A BIBLIOTECA MUNICIPAL DE SOBER CELEBRA O SEU 20 ANIVERSARIO CUNHA EXPOSICIÓN DE RETRATOS
A Biblioteca Municipal de Sober cumpre o seu 20 aniversario e para celebralo mañá inaugurase a exposición ‘20 anos entre libros: 1994-2014’. A mostra é unha montaxe de retratos de lectores e lectoras que dende o ano 1994 e ata o 2014 participaron na creación e desenvolvemento de todas as actividades que se levaron a cabo na Biblioteca Municipal.
A inauguración da mostra faise coincidindo co Día da Biblioteca que o Concello de Sober conmemora en colaboración co CEIP Virxe do Carme. Con este motivo, os nenos e nenas participarán mañá nunha visita guiada á Biblioteca municipal onde haberá unha sesión de contacontos.
As actividades desenvolveranse no Centro Sociocultural a partir das 17.30 horas. Tamén se estrearán novos carnés de socio e farase agasallo dun marcapáxinas conmemorativo dos 20 aniversario da Biblioteca. A mostra poderase visitar desde mañá, día 24 de outubro, ata o 7 de novembro na sala de exposicións do Centro Sociocultural de Sober.
A Biblioteca Municipal de Sober estará tamén presente na cea que o colectivo Lemos Le organiza o venres no Centro do Viño para conmemorar este día.
|
|
|
|
|
|