NOVAS DO CONCELLO

NOVAS AS XUVENTUDES MUSICAIS DE SOBER ORGANIZAN DOUS CONCERTOS PARA O OUTONO O Goberno local colabora coas Xuventudes Musicais de Sober na organización do ciclo ‘Música no Outono’, que este ano contará con dous concertos de primeiro nivel, un deles no mes de novembro e outro en decembro.   O sábado 1 de novembro haberá un concerto a cargo de Manuel Alcaraz e Patricia Cadaveira, percusionista e saxofonista, respectivamente. Xuntos forman In_Keys Dúo.   O sábado 13 de decembro a actuación correrá a cargo do Cuarteto de Corda Klimt.   Todos os concertos serán de balde e celebraranse ás 19:30 horas no auditorio da Casa da Cultura de Sober.   A asociación de Sober ten ademais perfilado o programa da ‘Primavera Musical’ para 2015, que incluirá tres novos concertos.