SEDE ELÉCTRONICA
 
 
NOVAS DO CONCELLO
 
NOVAS
O CONCELLO DE SOBER REBAIXA A FACTURA DA AUGA NUN 30% PARA TODOS OS VECIÑOS E VECIÑAS



O Goberno local do Concello de Sober aprobou no Pleno que se celebrou o pasado martes unha rebaixa do 30% no recibo da auga que beneficiará a todos os veciños e veciñas. Ata o de agora a ordenanza fixaba un pago de 38 euros semestrais por vivenda cun consumo de 10 metros cúbicos ao mes (60 metros cúbicos ao semestre).
 
A moción, aprobada polo equipo de Goberno coa abstención da oposición, recolle unha rebaixa ata os 27 euros semestrais co mesmo consumo mínimo de 10 metros cúbicos en trinta días.
 
A proposta elevada a votación pola Alcaldía é posible grazas a que nos últimos meses se incrementou en preto de 100 o número de usuarios novos na rede municipal de augas coa incorporación dos lugares de A Pena de Proendos, Millán, A Bertonia, Castaxúa e O Campo.
 
O alcalde, Luis Fernández Guitián, destaca que as melloras levadas a cabo na rede da capitalidade e en Sistindomato e nos depósitos reguladores tamén permitiron unha diminución do consumo, e polo tanto, do gasto. A nova tarifa entrará en vigor en xaneiro de 2015 e conta cun informe favorable de Intervención municipal.
 
Festas de 2015
O Pleno acordou ademais fixar como festas locais para 2015 o 8 de setembro, no que se celebrará a Romaría de Cadeiras, e o 21 de setembro, Festas do Carme de Sober.
 
O equipo de Goberno rexeitou a moción da concelleira non adscrita, Paula Verao, na que se pedía a declaración de Sober como municipio oposto á aplicación do tratado transatlántico de comercio e investimento. 

 
 
Historia do Concello
  Historia
  Patrimonio
  Medio Natural
  Lendas
  Situación
Concello de Sober
  Alcaldía
  Corporación Municipal
  Normativa Municipal
  Secretaría
  Contacto
Servizos do Concello
  Enlaces
  Axenda
  Télefonos
  Transporte Público
Oficina de Turismo
  Rutas
  Aloxamentos
  Festas
  Miradores turísticos Qcalidad
  Galería Fotográfica
Novas do Concello
As Nosas Parroquias
O Viño e Adegas
  O Viño
  Adegas
Nota Legal · Política de Privacidade · Política de Cookies
CONCELLO DE SOBER · RIBEIRA SACRA · AYUNTAMIENTO DE SOBER
Praza Campo da Feira s/n · 27460 · Sober · Lugo · 982 46 00 01 · 982 46 00 05
PO FSE Galicia 2014 -2020
"Invierte en tu Futuro"
Uni?n Europea
Publicado el 18 de Nov. de 2020
Feder Galicia
 
Feder Galicia
 
Moves

prodesin.com